Natural ədədlər. Mövzu Sınaq Testi – A

1.İfadələrdən hansının qiyməti $n$-in bütün natural qiymətlərində tək ədəddir?

2.$x$ cüt, $y$ tək ədəd olduqda, ifadələrdən hansının qiyməti cüt ədəddir?

3.Ardıcıl 100 natural ədədlər sırasındakı ən kiçik və ən böyük ədədlərin cəmi 629-a bərabərdir. Bu sıradakı ən kiçik ədəd neçədir?

4.Üçrəqəmli ədədin $1\%$-i onun rəqəmləri cəminə bərabərdir. Bu üçrəqəmli ədədin ala biləcəyi ən böyük qiymətlə ən kiçik qiymətin fərqini tapın.

5.$7^{56}+19^{25}$ ədədinin son rəqəmini tapın.

6.İki natural ədədin cəmi 465-dir. Onlardan birinin axırıncı rəqəmi 3-dür. Əgər bu rəqəm silinərsə, ikinci ədəd alınar. Bu ədədlərin fərqini tapın.

7.Cəmi 2500 olan iki natural ədəddən birinin sonuna 7 rəqəmini əlavə edib, digərinin sonundan 6 rəqəmini sildikdə alınan ədədlər bərabər olar. Həmin natural ədədlərdən kiçiyinin rəqəmlərinin cəmini tapın.

8.$\overline{1x5y}$ dördrəqəmli ədədi 9-a qalıqsız bölünür. $x+y$ cəminin ən böyük qiymətini tapın.

9.147776*147773 hasilinin 7-yə bölünməsindən alınan qalığı tapın.

10.7-ə qalıqsız bölünən natural ədədləri 28-ə böldükdə alına bilən müxtəlif qalıqların cəmini tapın.

11. $\frac{\text{ƏKOB}(120;144)}{\text{ƏBOB}(120;144)}$ nisbətini hesablayın.

12. $\frac{n}{6}$ ifadəsi natural ədəd olarsa, $n$-in ən kiçik qiymətinin rəqəmləri cəmini tapın.

13. Bir məntəqədən müxtəlif marşrutla eyni zamanda iki avtobus yola düşür.Birinci avtobus bu məntəqəyə hər $40$ dəqiqədən bir, ikinci isə $30$ dəqiqədən bir qayıdır.Hansı ən qısa müddətdə onlar hər ikisi çıxdıqları məntəqədə olarlar?

14.Oğlan və qız 1152 m uzunluqda olan məsafəni addımla ölçdülər. Oğlanın addımı 72 sm, qızın addımı isə 64 sm olarsa, hərəkətə başladıqdan sonra onların ayaq izləri neçə dəfə üst-üstə düşər?

15. Natural $a$ və $b$ ədədləri üçün $a:b=3$ və $\text{ƏKOB}(a;b)=75$ olarsa, $\text{ƏBOB}(a;b)$-ni tapın.

16.a və b ədədlərinin ortaq olmayan sadə vuruqlarının hasili 15, ӘBOB(a,b)=30 olarsa, a+b cəminin ən böyük qiymətini tapın.

17. $n=2m$ və $3\cdot\text{ƏKOB}(3^{n};5^{m})-2\cdot\text{ƏBOB}(3^{m};5^{n})=133$ olarsa, $m+n$ cəmini tapın ($m\in N,$ $n\in N$).

18.$a$ və $b$ natural ədədlərinin sadə vuruqlara ayrılışı $a=2^{m}\cdot3^{2}\cdot5^{n}$ və $b=2^{4}\cdot3^{k}\cdot5^{5}\cdot7^{p}$ kimidir. $\text{ƏKOB}(a;b)=2^{6}\cdot3^{3}\cdot5^{6}\cdot7^{3}$ olarsa, $m+n+k+p$ cəmini tapın.

19. $\text{ƏBOB}(a+b$; $a-b)=1$ və $\frac{a-b}{a+b}=\frac{54}{66}$ olarsa, $\text{ƏKOB}(a;b)$-ni tapın.

20 Uzunluğu $40 \text{ sm}$, eni $32 \text{ sm}$ olan düzbucaqlı formalı vərəqdən elə bərabər kvadratlar kəsilməlidir ki, vərəqin hər hansı hissəsi artıq qalmasın. Bu kvadratların tərəfinin uzunluğu ən çox neçə ola bilər və bu zaman neçə kvadrat alınacaq?